Jamaa kufungwa jela kwa kumtishia polisi kwa kutumia paka

- Mshukiwa huyo kutoka Moscow alimtupia polisi paka wakati alikuwa akimkaribia

- Jamaa huyo aliyetambulika kama Gennady Shcherbakov alikuwa akiwatatiza wakazi baada ya kulewa chakari

Jamaa anakodolea macho kifungo cha hadi miaka mitano katika gereza huko Moscow kwa madai ya kutumia paka kama silaha yake dhidi ya polisi.

Mshukiwa huyo aliyetambulika kama Gennady Shcherbakov, anasemekana kuwa alimchukua paka wake na kumtupia afisa huyo ambaye alikuwa anamkaribia.

Habari Nyingine: Suti za kufanana za wanahabari Lulu Hassan, Rashid Abdhalla zawapendeza Wakenya

Kwa mujibu wa televisheni ya Ren ya huko Urusi, afisa huyo ambaye alikuwa ameenda kubaini chanjo cha mayowe yaliyokuwa yakipigwa na wakazi alipata majeraha ya usoni aliposhambuliwa na paka huyo.

Shcherbakov, 59, anakabiliwa na kosa la dhuluma dhidi ya polisi.

Mshukiwa huyo ambaye alikuwa ameketi katika makazi hayo anasemakana kuwa alishinda mchana kutwa akibugia vileo.

Wakazi ambao walikuwa wamechoshwa na tabia yake ya kuwatatiza waliwaalika maafisa wa polisi ili waje kumkamata.

Habari Nyingine: Polo atemwa kwa ajili ya uongo

Hata hivyo Shcherbakov ambaye sio mkazi wa eneo kulikotokea kisa hicho alikana mashtaka ya kumtumia paka kama silaha na kudai kuwa mnyama huyo alimrukia polisi kwa hiari yake.

Kesi ilianza upya siku ya Jumatano, Oktoba 30 ambapo ilikuwa ni kipindi cha zaidi ya mwaka tangu kisa hicho kitokee.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdjZ39zhZRmoZqlkZZ6rMHFrqWgr5Fit6a4wGaisJldoMKuwMisn6KZXaW8rbXSomSkr5FiuLbA1KagmmWglriiesetpKU%3D