Mwanamke wa Nairobi mwenye moyo wa huruma anaswa kwa kamera akimpa chokoraa viatu vipya

Katika jiji kuu la Kenya Nairobi, asubuhi huenda kasi sana hivi kwamba watu hawajishughulishi na wengine huku kila mmoja akienda huku na kule kupata kilicho bora cha siku mpya.

Hata hivyo, kimyakimya katika pandashuka za watu wa jamii ya jijini wasiojali kuhusu wengine, moyo wa dhahabu uliing’aa na kuthibitisha Nairobi bado inasheheni watu wenye moyo wa huruma ikiwa tutatazama tu kwa utulivu.

Tuma neno ‘NEWS’ kwa 40227 ili kupata habari muhimu pindi zinapochipuka

Mpiga picha wa TUKO TV Edwin Ochieng mnamo Alhamisi, Septemba 9, alinasa video ya mwanamke asiyejulikana aliyetenda kitendo cha kupigiwa mfano cha ukarimu hususan katika msimu muhali wa kiuchumi kwa mtoto wa mitaani katika Luthuli Avenue, Eastleigh Section Three kwenye steji ya matatu.

Habari Nyingine: Wanawake waonywa dhidi ya kuvaa G-string wakienda kazini

Habari Nyingine: Kutana na Mkenya ambaye hula mayai bila kutoa maganda

Katika video, mwanamke huyo mwenye tabasamu la kuvutia aliweka kando shughuli zake kumsikiza mtoto wa mitaani aliyekuwa ‘akisumbua’ kwa jina Mike.

Kwa namna fulani, hakujiweka tu katika viatu vya chokoraa huyo bali alihakikisha mvulana huyo alipata viatu vya kupendeza.

Punde baada ya kuzungumza na mvulana huyo, mwanamke huyo aliyevalia blauzi ya nili na suruali ndefu nyeusi alienda katika duka jirani akanunua viatu maridadi vyeupe akachutama na kumsaidia Mike kuvivaa na hata akamfunga kamba za viatu katika kiambaza chenye shughuli nyingi.

Habari Nyingine: Madhara 14 ya dawa za kupanga uzazi ambayo madaktari huwaficha wanawake

Mwanamke huyo kisha alipiga soga na chokoraa huyo huku akimrai atupe gundi yake aliyoshikilia kwa nguvu japo hakufanikiwa.

Kinyume na Wakenya wengi wenye sifa sawa na mafarisayo, mwanamke huyo ambaye hakujua kitendo chake cha ukarimu kilikuwa kimenaswa kwenye kamera hakuchomoa simu yake ya kisasa ili kupiga picha ya kutuma mitandaoni kujigamba bali aliondoka kimya kimya katika umati na kuendelea na shughuli zake.

Habari Nyingine: Pasta akatiza harusi ghafla baada ya mabinti kunengua kiuno kupita kiasi kanisani

Akiwa ameemewa na furaha ya kitoto, mvulana huyo wa mitaani hangeweza kujizuia na akaanza kusakata ngoma kwa miondoko iliyoonyesha viatu vyake vipya.

Read ENGLISH VERSION

Una maoni? Una habari ambayo ungependa tuichapishe? Tuma ujumbe kwa mhariri: mwangi.muraguri@tuko.co.ke

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdibYJyg5dmpLCZnpa6rLGMsJhmppGev7CuyGaksJ2errJuuc6ypmavkWK1tr7UpphmmZ6WwLitjKSummWblrqmvsBmmKShnaWubq%2FHqKKoqpGWere1wK2sZq6ZpcaiesetpKU%3D